عدد الرسائل : 381 العمر : 34 تاريخ التسجيل : 08/02/2008
موضوع: نداء الى كل مسلم قادر........ الإثنين أبريل 14, 2008 10:27 pm
نداء الى كل مسلم قادر
كل يوم وانا نازل الكليه الصبح مع صحابى بلاقي مجموعه من الاطفال حوالي 3 او 4 يوميا نايمين في الشارع في ميدان من ميادين الاسكندريه اللي عمره ما فضي من اي مسئول او حتى ظابط شرطه الاطفال دول ملهومش اي مكان تاني يروحوا فيه يعني تخيلوا في عز الشتاء وكل واحد فينا بيبقى متغطي ببطانيتين او 3 الاطفل دول مبيكونش عليهم حاجه تغطيهم الا ورق الجرايد!! تخيلوا ورق جرايد ده هيقدر يدفيهم ولا يحسسهم بالراحه؟؟ ولا في عز الصيف والشمس بتبقى هتسيح التلج من حرارتها تلاقيهم برضه مش لاقين حته يقعدوا فيها وبيحاولوا يهربوا من الشمس لضل الكوبري!! ومش بس دول ده في غيرهم الوف مالين مصر كلها ومفيش اي حد حاول مره يساعدهم..
مين مننا يرضى ان حاجه زي دي تحصل لحد قريب منه ابنه او اخوة مثلا طبعا مفيش طب ماهو دول برضه اخواننا ولازم نتحرك طب اذا كانت الحكومه سدت ودانها وعمت عنيها عن انها تسمع انينهم في البرد وتشوف معاناتهم مع الشمس في الصيف وكل اللي بيقدرها عليه ربنا هو شوية مسلسلات على شوية برامج حواريه يبقى احنا ليه نعمل زيهم ونسد وداننا ونغمي عنينا!!!!
الرسول عليه افضل الصلاة والسلام قال ((انا وكافل اليتيم كهاتين في الجنه ))واشار بأصبعيه السبابه والوسطى ....يعني تخيلوا لو واحد فينا كفل طفل يتيم من اللي ملهمش اي مأوى دول هيكون ايه نصيبه؟؟ هيبقى جنب الرسول عليه افضل الصلاه والسلام ويكون قريب منه قرب صوابعك من بعضها.. وكمان مش لازم كفاله اليتيم تكون بأنك تاخده يعيش في بيتك ممكن تكفله وهو في مكان تاني يعني لو تقدر توصل طفل من الاطفال اللي بنشوفهم كتير دول لاي مكان يقدر يلاقي فيه الناس اللي تخاف عليه والمكان اللي يحميه من الشارع دي كفاله
علشان كده انا كتبت الكلمتين دول وسبت العنوان بأسم نداء الى كل مسلم قادر واتمنى ان النداء ده يلاقي صداه بينكم
الإثنين أبريل 14, 2008 10:27 pm